കേരള യൂത്ത് ലീഡർഷിപ് അക്കാദമി

യുവത്വത്തിന്റെ മുന്നേറ്റം

കേരള യൂത്ത് ലീഡർഷിപ് അക്കാദമി



ജീവിതത്തിലെ ഇന്നത്തെ പ്രതിസന്ധികളാണ് നാളത്തെ നേതൃത്വത്തെ ജനിപ്പിക്കുന്നത്. കഴിഞ്ഞ ഏതാനും വർഷങ്ങളിൽ കേരളം അഭിമുഖീകരിച്ച ദുരന്ത മുഖങ്ങളിലെല്ലാം പ്രതിസന്ധികളെ അതിജീവിക്കാൻ ഊർജ്ജം നൽകി ജനങ്ങൾക്കൊപ്പം പേരോ നാടോ പോലും വെളിപ്പെടുത്താതെ രാപ്പകൽ പ്രവർത്തിച്ച ഒരു കൂട്ടം യുവതീയുവാക്കളുണ്ട് നമുക്കിടയിൽ. നാളത്തെ നേതൃസ്ഥാനം അലങ്കരിച്ച് സാമൂഹിക  ഉത്തരവാദിത്വത്തോടെ ഒരു നാടിനെ നയിക്കാൻ പ്രാപ്തിയുളളവരുണ്ട് അക്കൂട്ടത്തിൽ. കേരളത്തെ പിടിച്ചുലച്ചുകൊണ്ട് സമീപകാലത്തുണ്ടായ ദുരന്തങ്ങളിൽ നിന്നും നമ്മൾ കര കയറിയ സാഹചര്യങ്ങൾ നമ്മുടെ  യുവത്വത്തിന്റെ ശക്തി എന്താണെന്ന് ബോധ്യപ്പെടുത്തി തന്നു.  യുവത്വത്തിന്റെ ഈ ഊർജ്ജത്തെ ശരിയായി വിനിയോഗിച്ച് കഴിവിനനുസൃതമായ അവസരങ്ങൾ ലഭ്യമാക്കി നാടിനെ പുരോഗതിയിലേക്ക് നയിക്കുക  എന്നത് സർക്കാരിന്റെ കടമയാണ്. ഈ ലക്ഷ്യത്തോടെ സർക്കാർ ആരംഭിച്ച   പദ്ധതിയാണ് കേരള യൂത്ത് ലീഡർഷിപ് അക്കാദമി. പതിനെട്ടിനും നാല്പതിനും ഇടയിലുള്ളവരെ ലക്ഷ്യം വെച്ചാണ് അക്കാദമി ആരംഭിച്ചത്.



ആധുനിക ലോകത്തിന്റെ നിലവാരത്തിലേക്ക് യുവതയുടെ കഴിവുകളുയർത്തി അവരെ മികച്ച പ്രൊഫഷണലുകളാക്കുക,  വിമർശനാത്മകമായ ചിന്തകളും മാനുഷികതയും മതേതരത്ത്വവും ലിംഗനീതിയും ഉയർത്തിപ്പിടിച്ച് ലോകം ആവശ്യപ്പെടുന്നത്രയും മികവോടെ നേതൃപാടവത്തോടെ മുന്നേറാൻ യുവത്വത്തെ സജ്ജരാക്കുക തുടങ്ങിയ ലക്ഷ്യങ്ങളിലൂന്നിയാണ് അക്കാദമിയുടെ പ്രവർത്തനം. ആഗോളതലത്തിൽ രൂപപ്പെടുന്ന വിഭവശേഷിയുടെ നിലവാരത്തിലേക്ക് കേരളത്തിലെ യുവതീയുവാക്കൾക്കിടയിലെ മനുഷ്യവിഭവശേഷിയെ വളർത്തുന്നതിനായി വിവിധ വിഷയങ്ങളിൽ പരിശീലനവും നൽകുന്നുണ്ട്. 

ഓരോരുത്തരുടേയും വിദ്യാഭ്യാസ യോഗ്യതയ്ക്കനുസരിച്ച തൊഴിലുകൾ കണ്ടെത്തുകയെന്നത് ഇന്ന് വലിയ വെല്ലുവിളിയാണ്. സാമുഹ്യ ഉത്തരവാദിത്തത്തോടെ തൊഴിൽ നിറവേറ്റാനുമാകണം. അതിനാൽ യോഗ്യതക്കനുസൃതമായി വൈദഗ്ദ്ധ്യവും നേതൃപാടവവും വികസിപ്പിക്കുന്നതിന് ആധുനിക സാങ്കേതിക വിദ്യ, ശാസ്ത്ര സാങ്കേതിക മേഖലകളിലെ പുതിയ വികാസങ്ങൾ പരിചയപ്പെടുത്തൽ, മാനേജ്മെന്റ്, ബിസിനസ്സ്, നിയമകാര്യങ്ങൾ, മനുഷ്യാവകാശം, സംരംഭകത്വം, ആശയവിനിമയ മേഖലകൾ എന്നിവയിൽ മികച്ച പരിശീലനവും ഉറപ്പു വരുത്തുന്നു. ഗ്രാമീണമേഖലയിലെ സംരംഭങ്ങളെ അന്താരാഷ്ട്ര നിലവാരത്തിലേക്ക് വികസിപ്പിക്കാൻ അവയുടെ വിഭവശേഷി വർദ്ധിപ്പിക്കാനും അക്കാദമി ശ്രമങ്ങൾ നടത്തുന്നുണ്ട്.

അക്കാദമിയുടെ ലേണിംഗ് മാനേജ്മെന്റ് പോർട്ടലിലൂടെ സെമിനാറുകൾ, ലക്ച്ചറുകൾ, വെബിനാറുകൾ, ലൈവ് സെഷൻസ്, ശില്പശാല, പരിശീലനം എന്നിവ നടത്തുന്നുണ്ട്.  www.lms.kyla.kerala.gov.in    എന്ന വെബ്സൈറ്റിലൂടെ പരിശിലനത്തിന് രജിസ്റ്റെർ ചെയ്യാവുന്നതാണ്. കിലയുടെ വെബ്സൈറ്റും സന്ദർശിക്കാവുന്നതാണ്.     

അഭിപ്രായങ്ങള്‍

ഒരു അഭിപ്രായം പോസ്റ്റ് ചെയ്യൂ

ഈ ബ്ലോഗിൽ നിന്നുള്ള ജനപ്രിയ പോസ്റ്റുകള്‍‌

വിദ്യാശ്രീ--എല്ലാവർക്കും ലാപ് ടോപ്

ഇമേജ്
  വിദ്യാശ്രീ--എല്ലാവർക്കും ലാപ് ടോപ് ലോ കത്തുണ്ടായ മാറ്റങ്ങൾക്കെല്ലാം ഊർജ്ജം പകർന്നത് ആവശ്യങ്ങളും ആഗ്രഹങ്ങളും നിറവേറ്റാനുള്ള മനുഷ്യന്റെ  അടങ്ങാത്ത ആവേശമാണ്. അപ്രതീക്ഷിതമായി എത്തിയ കോവിഡ് എന്ന മഹാമാരിയെ തോല്പിച്ച് മുന്നേറാനുള്ള  മനുഷ്യന്റെ ശ്രമങ്ങൾ  മാറ്റങ്ങളുടെ വലിയ അവസരങ്ങളാണ് തുറന്നിട്ടിരിക്കുന്നത്.  സമഗ്ര മേഖലയിലുമെന്ന പോലെ വിദ്യാഭ്യാസത്തെ കുറിച്ചുള്ള നമ്മുടെ കാഴ്ച്ചപ്പാടും മാറി. സ്ക്കൂളിൽ പോയി അധ്യാപകരിൽ നിന്നും നേരിട്ട് വിദ്യ അഭ്യസിക്കുകയെന്ന പരമ്പരാഗത കാഴ്ച്ചപ്പാടുകൾക്ക് പകരം  ഓൺലൈനായി കമ്പ്യൂട്ടറിലൂടെയും വീട്ടിലിരുന്ന് ടെലിവിഷനിലൂടെയും നമ്മുടെ കുട്ടികൾ പഠിക്കുകയാണ്. ഇങ്ങനെയുള്ള സാമൂഹ്യമാറ്റം ഉണ്ടാവുമ്പോൾ അതിനെ സമൂഹത്തിലെ എല്ലാ ജനവിഭാഗങ്ങൾക്കും പ്രാപ്യമാക്കുകയെന്ന ആശയമാണ് ആധുനിക സമൂഹവും സർക്കാരുകളും ചെയ്യുന്നത്. പഠിക്കുന്ന മുഴുവൻ കുട്ടികൾക്കും ടിവിയും കമ്പ്യൂട്ടറും ഉണ്ടാവുകയെന്നത് വികസനത്തിന്റെയും ആവശ്യമാണ്. വരും കാലങ്ങളിലും വിദ്യാഭ്യാസം ഓൺലൈനും ഓഫ് ലൈനുമായി തുടരാനാണ് സാധ്യതകൾ. ഈ സാധ്യത കൂടി മുൻകൂട്ടി കണ്ടാണ് എല്ലാവർക്കും പഠനോപകരണങ്ങൾ എന്ന നൂതന ആശയവുമ...
കൂടുതൽ‍ വായിക്കൂ

കുരുക്കഴിച്ച് റോഡുകളും പാലങ്ങളും

ഇമേജ്
വാഹനമെടുത്ത് റോഡിലേക്കിറങ്ങിയാല്‍ നമ്മുടെ ഏറ്റവും വലിയ തലവേദനയാണ് യാത്രാ യോഗ്യമല്ലാത്ത നിരത്തുകളും ട്രാഫിക് കുരുക്കില്‍ കാത്തുകെട്ടിക്കിടക്കേണ്ടി വരുന്ന ജങ്ഷനുകളും. കൊച്ചി നഗരം ഒരു ഉദാഹരണമായെടുക്കാം. കേരളത്തിലെ തന്നെ ഏറ്റവും തിരക്കേറിയ ജങ്ഷനുകളായിരുന്നു വൈറ്റിലയും കുണ്ടന്നൂരും, ഏതാനും നാള്‍ മുമ്പു വരെ. ദിവസവും ഒരു ലക്ഷത്തോളം വാഹനങ്ങള്‍ കടന്നു പോകുന്ന ഈ ജങ്ഷനുകളിലെ ട്രാഫിക് കുരുക്കിലൂടെ മുന്നോട്ടു പോകുക എന്നത് അത്യാസന്ന നിലയിലുള്ള രോഗികളുമായി ചീറിപ്പായുന്ന ആംബുലന്‍സുകള്‍ക്കു പോലും എളുപ്പമായിരുന്നില്ല. സാധാരണ വാഹനങ്ങളുടെ കാര്യം പറയേണ്ടതില്ലല്ലോ. ഇതിനൊരു പരിഹാരത്തിനു വേണ്ടി ഏറെ കാലം കാത്തിരിക്കേണ്ടി വന്നു. പുതുവത്സര സമ്മാനമായി ദേശീയ പാത 66ലെ വൈറ്റില, കുണ്ടന്നൂര്‍ മേല്‍പ്പാലങ്ങള്‍ നമ്മുടെ സര്‍ക്കാര്‍ നാടിനു സമര്‍പ്പിച്ചതോടെ കൊച്ചി നഗരത്തിന്റെ മാത്രമല്ല, കേരളത്തിന്റെ വേഗം തന്നെയാണ് മാറിയത്. തറക്കല്ലിട്ട് മൂന്ന് വര്‍ഷം കൊണ്ടാണ് സര്‍ക്കാര്‍ ഈ രണ്ട് ആറുവരി മേല്‍പ്പാലങ്ങളും പണിപൂര്‍ത്തീകരിച്ച് പൊതുജനങ്ങള്‍ക്കായി തുറന്നു കൊടുത്തത്. ഇതു കൊച്ചി നഗരത്തിലെ മാത്രം കാര്യം. ഇനി കൊല്ലവും ആലപ്പുഴയുമെടുക്...
കൂടുതൽ‍ വായിക്കൂ

കെ ഫോണ്‍ പദ്ധതി

ഇമേജ്
എല്ലാവർക്കും ഇന്റർനെറ്റ് ഇ ന്റര്‍നെറ്റ് എന്ന സമാന്തര ലോകത്ത് ഇന്ന്  സാധ്യമാവാത്ത  ഇച്ഛകളൊന്നും തന്നെ മനുഷ്യനില്ല. സ്റ്റീഫൻ ഹോക്കിങ്ങിന്റെ വാക്കുകൾ കടമെടുത്താൽ  തലച്ചോറിനകത്തെ ന്യൂറോണുകൾ പരസ്പരം ആശയം കൈമാറുന്നതു പോലെ ലോകം ഇന്ന് ഇന്റര്‍നെറ്റിലൂടെ വിവരങ്ങൾ കൈമാറി സാങ്കേതികതക്കും ഒരു  ജൈവിക  മാനം നൽകിയിരിക്കുകയാണ്. ആരോഗ്യ കാർഷിക വിദ്യാഭ്യാസ സാമ്പത്തിക മേഖലകളിലുൾപ്പെടെ സകല മേഖലകളും ഇന്റ്ർനെറ്റിനെ ആശ്രയിച്ചാണ് ഇന്ന് നിലനിൽക്കുന്നത്.  കോവിഡ് കാലത്ത് സമൂഹത്തിന്റെ ഗതിവിഗതികൾ  നിർണ്ണയിച്ചതും ഈ വിവരസാങ്കേതികത തന്നെ. എല്ലാവർക്കും ഇന്റർനെറ്റ്  അവകാശമായി പ്രഖ്യാപിച്ച സംസ്ഥാനമാണ് കേരളം. അതിവേഗ ഇന്റര്‍നെറ്റ്  കുറഞ്ഞ ചിലവില്‍ എല്ലാവർക്കും നൽകുകയെന്നത്  സർക്കാരിന്റെ പ്രഖ്യാപിത നയവുമാണ്.  ഗ്രാ മപ്രദേശങ്ങളിലുൾപ്പെടെ ഇന്റ്ർനെറ്റ്  എത്തിക്കുന്ന സംസ്ഥാന സര്‍ക്കാരിന്റെ നവീന പദ്ധതി ആണ്‌ കെ-ഫോണ്‍. സംസ്ഥാനത്തെ ഡിജിറ്റൽ ഇൻഫ്രാസ്ട്രക്ച്ചർ ശക്തവും കാര്യക്ഷമവുമാക്കുകയാണ് ലക്ഷ്യം. അതിനായി  സുശക്തമായ ഒപ്റ്റിക്കൽ ഫൈബർ ശൃംഖല സംസ്ഥാനത്താകെ സ്ഥാപിക്കുന്നുണ്ട്...
കൂടുതൽ‍ വായിക്കൂ